محترفين مصر الاقوياء

محترفين مصر الاقوياء
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 الطيب..والشرس ...والقبيح

اذهب الى الأسفل 
كاتب الموضوعرسالة
Admin
Admin


المساهمات : 9
تاريخ التسجيل : 19/06/2013
العمر : 32

مُساهمةموضوع: الطيب..والشرس ...والقبيح    الأربعاء يونيو 19, 2013 12:23 pm





بقلم احمد عبدالله زغلول
================
• (( .. ( الوطنية ) ..عاطفة ...وشعور...و إحساس .....يسري في ( دم ).. المواطن ... المخلص لوطنيته ...أما هؤلاء الذين ...لايهمهم الوطن ....فليس عندهم ( دم أساساً ) ..حتى تسري فيه الوطنية ...)) .
******
يحكي أنَّ أنَّ أيه ...أنه في زمن قراقوش ....أشتدت المحن بالبلاد...وضاقت صدور العباد ...من قلة البنزين والسولار ...وانخفاض قيمة الجنيه وارتفاع الدولار ....واضطهاد الحاكم للثوار ....فأصبحت الثورة أفضل خيار ....لإزاحة حاكم أثبت فشله بجدارة ...أمام ثوار الشارع والحارة ...فأضطر أن يدخل في مغارة ....ويستعين بالعربجية والفتوات ...والمجاهدين والمجاهدات ...والفاشلين والفاشلات ....والسفاحين والسفاحات ....أصحاب السوابق في الإجرام ... الذين لا يعرفون العيش في سلام ....ويوزعون الاتهامات التكفيرية ....والإلحادية ...على عباد الله ...دون خشية من الآله ...فهذا كافر ...وذاك فاجر...أما هذا فهو زنديق ...ولا يعرف لله طريق ....وهكذا تتوزع الاتهامات بالتساوي والعدالة ....من أهل الخسة والندالة ...وقراقوش ...ما يهموهوش ...إلا أهله وعشيرته ...وأولاده وأخواته ...و أهل بلدته ..
وأراد قراقوش أن يتفادي ثورة الثوار ....فدخل المغارة ....وأجتمع ..بالمنافقين والمنافقات ...والمريدين والمريدات ....والمنتفعين والمنتفعات ...فدار هذا الحوار :
• قراقوش : أيه رأيكم يا جماعة ....في موضوع الساعة ...
• رد المفكر الهلاس ...زكي أبو ترباس : أنا عندي ...فكرة جهنمية ...تخلصك ...من الثورة ديه ..

• قراقوش : قول ولا تخبيش يازين ....أيش نفعل مع الملاعين ...عشان نتفرغ للذهاب للقدس بالملايين ...
• أبو ترباس : أحنا يامولاي ...نعمل مذبحة قلعة من جديد ..ونخلص من كل معارض عنيد ..
• فرد فتوة الفتوات ...حمدي غنيم : أزاي يا فالح ...والمعارضة في كل حارة وكل شارع ..
• أبو ترباس : أحنا نستخدم القانون ...والديمقراطية ...كأدوات ..لتحقيق مشاريعنا الاستعمارية .
• قراقوش : قول باختصار ...أنا مخي من تفكيرك طار ..
• أبو ترباس : بسيطة أحنا نصدر قرار جمهوري ....يلم كل المعارضة والثوار ...
• غنيم : يعني هنحاكمهم ...وإلا نعتقلهم ..
• أبو ترباس : لا ديه ...ولا ديه ...أحنا نقول نتحفظ عليهم ...في مكان أمين ..
• غنيم : ويبقوا يشوفوا بعد كده الأسفلت ....
• قراقوش : بس ديه طريقة عملها قبل كده سنة 81 ..الرئيس السادات ....وبعد كده مات ..
• وهنا تدخل دخل عاصم الشرير وقال : ما أحنا اللى قتلناه ...فمتخافشي يامولاي ....لأننا وراك وراك ...وهندبحلك المعارضة كلها ...لو حبيت ...بس أنت تعطي الإشارة ...نجيبهم لك في شيكارة .
• قراقوش : طيب يا أبو ترباس ...مين بقى اللى هنتحفظ عليه بالضبط ..
• أبو ترباس : نتحفظ على الإعلاميين كلهم ...ماعدا حبايبنا ...
• غنيم : وكمان الشيوعيين ...وبالذات المثقفين ..
• قراقوش : ما دول أحنا جايبين لهم ..وزير ثقافة ...ما يعرفش حاجة عن الثقافة ...ونازل في المثقفين دبح ....لغاية ..ما هيموتوا غيظاً ..
• غنيم : طيب بالنسبة للناصريين والفلول والأقباط هنعمل معاهم أيه ...
• أبو ترباس : ديه شغلتك بقي ياغنيم ...تضرب لهم فتوى ...بأنهم كفار وخارجين عن الدين ...وتحل دمهم ...
• قراقوش: بس ديه كله مش كفاية ..أحنا عايزين شكلنا قدام العالم أن احنا ديمقراطيين ...
• أبو ترباس : تقصد أيه !!
• قراقوش : قصدي على موضوع التحفظ على المعارضة ..شوية والمحامين يعملوا لنا دوشة .. والصحافة العالمية تعمل لنا قلق ..
• أبو ترباس : بسيطة يا مولاي ...نلفق لهم قضايا ...تمويل خارجي ....اتصال بجهات أجنبية ...وحاجات زى كده ..
• عاصم الشرير : طيب بالنسبة للقنوات الفضائية ..هنعمل معاها .
• أبو ترباس : دو هنغلقهم كلهم ...حتى بالنسبة لقنوات الدولة ...نقفل نصهم ..ونصفيهم على خمس.. ست قنوات ..
• قراقوش : أنا عايز قناة خاصة بيه ...طول النهار ..وتقول أخبار عنى ..وعن إنجازاتي ...وعبقريتي ...وتاريخي في بلاد الأفرنج ....وكيف كنت عايش هناك ...أكافح في سبيل وطني ..ومجد وطني ..
• عاصم : ما أحنا عارفين ...قصة كفاحك ....بأمارة قضية الكربون الأسود ....
• قراقوش : يا نهارك أسود ...أنت راخر عرفتها ...( وأستطرد موجها كلامه للجميع ) : ..أوعوا حد يجيب سيرة الموضوع ده في الإعلام ...لا سلبا ..ولا إيجاباً .. ...لأنني من ساعة ما الإعلام خد خبر بالموضوع ده ...وأنا لا أنام ...خايف يقبضوا عليه بتهمة الخيانة العظمي ....
• أبو ترباس : مين يقبض عليك يامولاي ...
• غنيم : النيابة ...والقضاة ...يأمروا بمحاكمة ..مولانا قراقوش ...
• قراقوش : بمناسبة القضاء ماعندكوش... أي حل ليه عشان نسيطر عليه ..
• أبو ترباس : ممكن يامولاي ..تصدر قرار قراقوشي ...بالاستفتاء على إلغاء أحكام المحكمة العليا ....التي صدرت خلال السنتين اللى فاتوا ...وبكده نقدر نرجع البرلمان القراقوشي ....ونلغي موضوع تصويت العسكريين ...لأنهم لو دخلوا في الانتخابات ...مش هنعرف نعطيم سكر وزيت ...
• غنيم : ويبقى كده أحنا ماشيين مع الشعب بالديمقراطية ...ومش هما بيقولوا الشعب مصدر السلطات ..خلاص ..نعمل استفتاء على إلغاء أحكام القضاء اللى مش عجبانا ...
• عاصم : وأحنا أصلا عارفين لعبة الانتخابات والاستفتاءات ....من أول تزوير البطاقات ...وشراء الأصوات ....بالسكر والشاي ....ومنع الجمهور من دخول اللجان ..لغاية ....إختيار قضاة من الموالين ..نزوروا لنا الانتخابات ...وأحنا مطمئنين ..
• أبو ترباس : قصدك : جماعة ( قضاة من أجل المناصب ) ..
• عاصم : هم دول اللى معانا على كل حاجة ....بيعلنوا نتيجة الانتخابات قبل ما تصدر من الجهات الرسمية المختصة ..ودول اللى بيطلعوا يدعمونا في كل قراراتنا اللى غير دستورية ...
• قراقوش : وأحنا بنكافئهم على طول ...واحد منهم عيناه مستشار قانوني لوزير ...وعمال يلهط ..في الفلوس لهط ....من اللجان ...اللى عمال يرأسه ...
• عاصم : بمناسبة القرارت غير الدستورية ...أنا بصراحة متعقد من المحكمة الدستورية ...
• قراقوش : ومين سمعك ...أنا عايز ألغي المحكمة الدستورية .. خالص ..
• أبو ترباس : بسيطة : نعمل لها استفتاء ...ونلغيها .... ونتيجة الاستفتاء معروفة مسبقا ...لننا هنحشد وهنزور ..تزوير ناعم ..وخشن ..زي ما عملنا في انتخابات الرئاسة ..واستفتاء الدستور ...
• قراقوش : وأنت يا غنيم ...فين فتاويك ... الصاروخية ..
• غنيم : انا باحضر فتاوى ....بإهدار المعارضة .. من ناصريين وشيوعيين ...وليبراليين .
• قراقوش : مش كفاية ..
• غنيم : آمال عايز أيه .
• قراقوش : عايز تحرم التعامل معهم ...ومع جيرانهم واصدقائهم ..ومع اقاربهم ... ومع أي حد مجرد أنه يسلم عليهم ...
• غنيم : بسيطة يامولاي ...ثم استطرد قائلا : بس احنا ماخدناش تمن الفتاوى السابقة ....
• قراقوش : ليه هو انت ناسي أنني عفوت عنك وعن جرائمك السابقة في ظل النظام السابق .
• غنيم : بس العملية في النملية ...واحنا عارفين كل الأمور المستخبية ....
• قراقوش : تقصد أيه .
• غنيم : قصدى توزيع المناصب والمكافآت ...على الأهل والعشيرة بالذات ..
• قراقوش : خلاص وانت خارج ..أبقى قول للسكرتارية ....يحطوا اسمك في كشوف البركة ..السلطانية ...عشان نعمل حسابك في المرات الجاية .
******

• ويفتح قراقوش التليفزيون ...فيجد المذيع يقول ...:
• وهكذا سيداتي سادتي ..أستمعتم لانجازات قراقوش خلال العام الأول من حكمه ....حيث أثبت بجدارة أنه أول منتخب يكلف البلاد ...ملايين الجنيهات ...في السفريات ...وقضاء الصلوات ....وصلاة الجمعة بالذات ..
• ثم تظهر على شاشة التليفزيون سيدة تصرخ قائلة :
( الله يخرب بيتكم ..قتلتم شبابنا ....وسجنتم ثوارنا ...وفتحتم بلادنا ..سداح مداح ...للمجرمين ...والسفاحين .....ربنا يخلصنا منكم ....ومن جهلكم .....مش عارفين تحكمونا... وعايزين تبيعونا ببلاش .....للي يسوى ..وما يسواش ...ربنا يخلصنا منكم ....يا شوية أوباش )) .

******
• وتبقى كلمة :
• 1- مبروك لمصر ( عودة الروح ) ...عودة روح الثورة ...والتمرد ....على كل ظالم ...وكل مَنْ يقود البلاد ..إلى حافة الهاوية ..
• 2- البعض يعتقد أن ( فن الحكم ) ...هو ( فن إلهاء الشعب ) ...في سلسلة من الكوارث ..والمشاكل اليومية ....حتى ينشغل الشعب في ( لقمة العيش ) ..وسلسلة الطوابير التي لا تنتهي ...حتى لايكون لدي الشعب وقتاً ...لاكتشاف أن قائد طائرة الوطن ..أصلا لا يجيد قيادة ( توك توك ) ..
• 3- إن ( الوطنية ) ..عاطفة جياشة ..وشعور نبيل ..و إحساس جميل ...يسري في دم المواطن ....قصدي المواطن المخلص لوطنيته ...أما هؤلاء الذين ...لايهمهم الوطن ..ويهمهم فقط تنظيماتهم العصابية ....الإجرامية ...فهؤلاء ليس عندهم ( دم أساساً ) ..حتى تسري فيه الوطنية ...
******


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://montdiat.forumegypt.net
 
الطيب..والشرس ...والقبيح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محترفين مصر الاقوياء :: الفئة الأولى :: المنتدى الأول-
انتقل الى: