محترفين مصر الاقوياء
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
محترفين مصر الاقوياء

محترفين مصر الاقوياء
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 ليلة القبض ...على ...قراقوش

اذهب الى الأسفل 
كاتب الموضوعرسالة
Admin
Admin



المساهمات : 9
تاريخ التسجيل : 19/06/2013
العمر : 37

ليلة القبض ...على ...قراقوش  Empty
مُساهمةموضوع: ليلة القبض ...على ...قراقوش    ليلة القبض ...على ...قراقوش  I_icon_minitimeالأربعاء يونيو 19, 2013 12:59 pm

ليلة القبض ...على ...قراقوش

اقتباس :
ليلة القبض ...على ...قراقوش
=========

• يُحكى أنَّ ..أنَّ أيه ...أنَّ قراقوش ...عندما أشتد به الحال ...وتمت محاصرته بكل الرجال ....طلب سرعة الإجتماع ....للبحث والإستماع...لآراء باقي العصابة الحاكمة ...حتى لاتكون عليه اللائمة...عندما يتخذ أفضل قرار ...ألا وهو قرار الهرب والفرار .... من وجه العدالة التي تتهمه بالجاسوسية ....ومن وجه الثوار الذين يتهمونه باللصوصية .....لسرقته الثورة ولقتله الحالة الثورية ...
• وفي موعد الإجتماع ....جاء أخيه الشاطر ....وأخيه العريان...ودار هذا الحوار :
• الشاطر : جرى أيه ياقراقوش ...أنت كل شوية تعملنا قلق ...أنا دماغى منك أنفلق ..
• قراقوش : أصلى اللى أيده في المية ..مش زي أيده في النهار ...
• العريان : ياعم قراقوش خلصنا ...أيه الحكاية ...
• قراقوش : أنا اللى عايز أعرف أيه الحكاية .....من البداية ..للنهاية ...
• الشاطر : ما أنت عارف كل حاجة .....البداية ...أن أحنا ...لاقيناك صيد سهل ...فجندناك معانا في العصابة .....وكمان أحنا عارفين أنك متهم بالجاسوسية ....لأنك قروي ساذج بهرته أضواء المدينة ....ومع ذلك حصلت على شهاداتك الدراسية ...من بلد أنت ماتعرفشي فيها الألف من كوز الدرة ....بسبب تعاونك مع الأجهزة المخابراتية ....
• العريان : قصدكم على : (( عملية ..الكربون الأسود)) .
• قراقوش ( بضيق ) : ده كان كربون أسود ومنيل .....( ثم يستطرد ) كل ده عارفينه ...أنا بأقول لك على التربيطات اللى حصلت مع كل العصابات والجماعات الإرهابية ..والجهادية ...هل أنتم متأكدين من عدم خيانتهم ...
• العريان : بصراحة ..أحنا مش متأكدين ....قوي ....فالجماعات اللى جو البلد ....ابتدوا يعرفوا أن أحنا بنستعملهم لأغراض معينة ..وبعدين نيجي عند الغنائم ..وبنطمع ...
• الشاطر : غنائم أيه ..
• العريان : أنا قصدى عند المناصب ...والوزارات ..والمحافظين ..ده غير عضوية المجالس التشريعية ...والمناصب الفكة ...
• الشاطر :قصدك ..مدير بنك ...وكيل وزارة ....الحاجات ديه .
العريان : بالظبط .....
• قراقوش : أنا عايزكم تبلغوا ....الأخ ( لازم أبو جنسيتين ) أنني زعلان منه .
• العريان : زعلان ليه .
• قراقوش : زعلان عشان الجماعة بتوعوا لما راحوا يمهدوا لتصفية جهاز الشرطة .....وحاصروا ....مقر الأمن ....رددوا شعار ... «لا إله إلا الله.. قراقوش عدو الله» .....احنا ما اتفقناش على كده ....
• العريان : عايز الصراحة ...الجدع ده ..صحيح بيخدمنا ....وينفذ كل اللى بنقول له عليه ..لكن أنا شاكك فيه ....
• الشاطر : شاكك فيه ازاي ....
• العريان : حاسس أنه ...في مرة ...هيروح يحاصر مدينة الإعلام ...وتضرب في نافوخه فكرة : ( إعلان الخلافة الإسلامية ) ...,يقوم يعلن نفسه خليفة ...
• الشاطر ( في سره ) : فعلاً أنا أتفقت معاه على كده ...بس يعلن ( اسمى أنا الخليفة ) .
• قراقوش : لو عمل كده أنا هاشنقه في ميدان التحرير ..
• العريان : بس أنت ناسي أتباعه ...دول كانوا ....اتجننوا ...وعملوا حاجات مجنونة ...
• قراقوش : زي أيه ...
• الشاطر : دول كانوا طاحوا في أعضاء الجماعة ....ويمكن ..يخلصوا علينا ...
• العريان ...طيب أيه الحل ..
• الشاطر : لو حبينا نخلص عليه ....ممكن نخليه ....في رحلة خارج البلاد ...ونسلط عليه حد من أتباعنا ...يخلص عليه ..أو يحط له سم في علبة ( تونة ) ..أو أي أكل ...زي حركة ( العيال بتوع الجامعة ) ...
• قراقوش : طيب لو أتمسك ..هيعترف علينا ..
• الشاطر : أحنا نطلع بيان إستنكار ...وأننا سنقتص من القاتل ... ...وإن قال القاتل في التحقيقات إنه من الجماعة ......نتبرأ منه ...
• قراقوش : بالمناسبة الخطة ماشية تمام ...قصدي خطة ...الهيمنة على البلد ..ومفاصلها ...وهدم أجهزة الدولة ...
• الشاطر : تمام ...أحنا بنبدأ ..زي ما أنت عارف ....بعمل الوقفات الاحتجاجية ....والمظاهرات ..اللى بتطالب بتطهير الجهاز أو المؤسسة ...وديه بيتم يا أما من أعضاء جماعتنا ..أو من الجماعات الأخرى ...أو من الأتنين مع بعض .
• قراقوش : كويس ..وبعدين ..
• الشاطر : وبعدين ...تقوم الأحزاب الصغيرة اللى أحنا مأجرينها مفروش ...
• العريان ( باستغراب ) ..مفروش ..
• الشاطر : أه ( مفروش) ..هو أنت ليه ( مفروس ) ..المهم الأحزاب ديه ..تقوم قياداتها .بعمل كام تصريح تأييد لتطهير الجهاز أو المؤسسة المستهدفة ...ولاسيما أن قيادات هذه الأحزاب عندها عُقد ضد هذه المؤسسات ..
• قراقوش : ما أنا عارف ..أنهم متعقدين من المؤسسة القضائية بالذات ...لأنهم كانوا يتمنوا أن يدخلوا السلك القضائي ولكنهم فشلوا ... فشلاً ذريعا ...وبالذات الأخ ( مكتوب ) ...والأخ ( سلطانية ) ...
• العريان : ..وبعد كده ....الباقى معروف ...تقوم هذه الأحزاب (النص كم )- اللي أحنا مأجرينها مفروش - ...بتقديم مشروع قانون يهد المؤسسة ...على دماغ الموجودين فيها ...
• الشاطر ( مستكملاً ) : وبعد كده ...ندخل أولاد حزبنا وجماعتنا ..في الأجهزة ديه ...عشان نضمن الهيمنة ..على البلاد ..
• العريان ( موضحا ) : أحنا عملنا كده مع القضاء ..وبنعملوا دلوقتى مع الشرطة ...وهلم جرا .
• قراقوش : طيب كويس ...آمال العيال الثورجية ..علمتم أيه معاهم .
• الضاطر : دول هم والاعلاميين ..عاملين معاهم خطة تدميرية ..
• قراقوش : أزاي؟!!
• الشاطر : يعني ..شوية نعملهم قضايا ...وشوية بنضربهم في الشارع ...وشوية بنقتلهم ...وكل واحد ونصيبه ...
• قراقوش : في واحد اسمه ... عومة ...نومة ..مش فاكر
• العريان : قصدك ( سلومة )
• قراقوش : بالظبط كده ..الواد ديه ...قليل الأدب ...بيهاجمنى باستمرار ...عملتم معاه أيه ..
• الشاطر : ديه ...سلطنا عليه رجالتنا يقدموا ضده بلاغ ....وتم التحقق معاه برضه بمعرفة واحد من رجالتنا ....ودلوقتي محبوس ....ومستهيألي ..مش هياخذ أقل من سنة ...حبس..
• قراقوش : طيب كويس ...آمال أيه خطة الهجوم المضاد ..لو قام ضدنا إنقلاب ...
• الشاطر : أنت عارف أننا في الداخل عاملين اتفاقيات مع كل المجرمين والإرهابين والجهاديين ...أنهم هيساعدونا ..ويعملوا قلق في كل محافظة ..وفي كل مؤسسة ..
• العريان : ده غير ...أننا ..هننزل شبابنا ..بملابس الجيش ..عشان نقول إن فيه فرق من الجيش إنفصلت وبتأيدنا ....
• الشاطر : طبعا ياقراقوش ..أنت عارف أننا ..جبنا ملابس زي ملابس الجيش ...وأخذنا الأسلحة من جيراننا ..وعندنا دلوقتي أسلحة ثقيلة ..تحارب دولة ..
• قراقوش : كويس ..والجماعة جيرانا ..أخبارهم أيه ..
• العريان : دول معانا على طول ... ما أنت عارف ياقراقوش ..أن جيرانا ..من كل جهة أحنا معشمينهم بقطعة أرض ...وهما سيساعدونا ...
• قراقوش : ..بس أحنا عايزينهم يكونوا معانا في البلد هنا ..مش على الحدود بس
• الشاطر ..ما هو ديه اللى أحنا متفقين عليه .
*******
• ويفتح قراقوش ....التليفزيون ..فيجد المذيع يعلن ...أنه قد قامت مجموعة من قيادات الثورة الشعبية ...من السيطرة على التليفزيون الحكومي وأعلنت بيانها الأول : بان الثورة قامت بسبب إغتيال قراقوش ...لفكرة الديمقراطية ..بإصداره دستورا غير شرعي ..وإعلانات دستورية منعدمة ....كما أن فترة حكمه اقصيرة ..جمعت كل مساوئ أنظمة الحكم الملكية ....غير الملكية السابقة ...
• هذا .. وقد تمت محاصرة كل أعضاء جماعة قراقوش ....كما أن قصر قراقوش محاط الآن .. ...بقوات الجيش ...وملايين المواطنين الذين يطالبون بالقبض على قراقوش لمحاسبته على جرائمه ....من خيانة للوطن ..وتجسس ...وقتل للثوار...

• وهنا تظهر سيدة كببرة وهي تصرخ : (( الحمد لله ..ربنا خلصنا منك يا قراقوش ..أنت وجماعتك ...ربنا يخرب بيتكم ...رجعتم البلد لورا ...مئات السنين )) ...
ثم تقوم السيدة ...بإطلاق زغرودة : لووووووووووووووووووووووولي ..وتقول زعردي يا انشراح .....ربنا هيعوضنا على اللى راح ...
******
*** وهنا توقظنى ...زوجتى ....وهى تقول : قوم بقى ..لأحسن أنبوبة البوتجاز ...فاضية ..اشتري لنا أنبوبة جديدة ... قلت لها ..طيب خللى حد من الأولاد يروح .... قالت لي : واحد في طابور العيش ...والتاني بقاله يومين ...في البنزينة واقف عشان يمون العربية ... قلت لها : بس الواد عنده إمتحان ....ردت : امتحان أيه بقى ...مش مشكلة الامتحان ...الامتحان يتعوض ..لكن دوره في الطابور مش هيتعوض ...ثم أستطردت قائلة : وأنت رايح تجيب الأنبوبة ...خد له سندوتشين معاك ..فذهبت ..وأنا أهمس.......متذمرا : أنت أيقطتيني من حلم جميل ....يا ليتك ..كنت تركتيني ...أشوف قراقوش وهو ..نائم على السرير ...في قفص الإتهام ...ومعاه البرنيطة ...بتاعة الهند ..

******
• وتبقى كلمة :
1- أحيانا ...الخيانة ....وبالذات خيانة الوطن ...تكون أول الطريق ...للوصول لكرسي الحكم ......والهلاك لكل خائن ...يرتدى ثوب الثوار ...ويدعى الثورية ...والخيانة تسري في دمه .
2- أحيانا تكون الوطنية ...أول الطريق ...لغياهب السجون ....فهنيئاً للثائر .. ( أحمد دومة ) ...بثمار ثوريته ....وسيأتي اليوم ...الذي سينال فيه حريته ....بقوة الثورة ...وبإرادة الثوار الحقيقيين ..لا أشباه الثوار ..ولا مدعين الثورية .. ولا.. سارقي الثورات ..
*****
الرجوع الى أعلى الصفحة اذهب الى الأسفل
https://montdiat.forumegypt.net
 
ليلة القبض ...على ...قراقوش
الرجوع الى أعلى الصفحة 
صفحة 1 من اصل 1
 مواضيع مماثلة
-
» قراقوش ... أمير الظلام
» قراقوش ... أمير الظلام
» قراقوش ... أمير الظلام .. بقلم احمد عبدالله زغلول

صلاحيات هذا المنتدى:لاتستطيع الرد على المواضيع في هذا المنتدى
محترفين مصر الاقوياء :: الفئة الأولى :: المنتدى الأول-
انتقل الى: